Темір жолда үлгілі вагон деполарын құруға кірісті

Жұмыс тобына Тасымалдау процесі мен вагон шаруашылығының технологиялық жүйелері департаменттерінің өкілдері, сондай-ақ вагон пайдалану депосының заманауи ақпараттық жүйелерін, атап айтқанда жүк вагондарын жөндеу және оларға қызмет көрсету кезіндегі сандық технологияларды әзірлеу және енгізу – міндеті болып табылатын IT әзірлеуші енгізілді.

«Бірінші кезекте, комиссия болашақ эталондық кәсіпорындар жұмысының технологиялық процесіне зерттеу жүргізеді. Содан кейін депо функцияларын автоматтандыру бойынша техникалық-экономикалық негіздемені есептеу жүргізіледі», – деді «ҚТЖ-Жүк тасымалы» ЖШС Бас директорының бірінші орынбасары Қанат Көбесов.

Вагон депосының технологиялық процестері автоматтандырылып, жұмыс тиімділігі мен еңбек өнімділігі артып, есеп беру және есепке алу нысандарының қағазсыз технологиясына көшу жүреді деп күтілуде.

Жоба қолмен енгізуді оңтайландыру және басқа кәсіпорындар мен клиенттермен жедел өзара іс-қимыл жасау есебінен вагондарды өңдеу көлемі мен жылдамдығын ұлғайтуға мүмкіндік береді. Вагондарды пайдалану депосының ақпараттық жүйесі арқылы жөндеуге қабылдау-беру жөніндегі «Бір терезе» тетігін енгізу ауқымды жұмыстың қорытындысы болады.

Орындалатын процестер мен операциялардың ашықтығы деподағы сыбайлас жемқорлық тәуекелдерін жояды.