Главная Новости Теміржолда коронавирусқа қарсы шаралар қабылданды
28 қаңтар 2020, 11:03 1601

Теміржолда коронавирусқа қарсы шаралар қабылданды

Теміржолда коронавирусқа қарсы шаралар қабылданды Сурет: ашық дереккөзден

Бұл туралы бүгін "Самұрық-Қазына" қорының қабырғасында өткен баспасөз мәслихатында "ҚТЖ-Жүк тасымалы" АҚ Басқарма төрағасы Қайрат Сәуірбаев мәлім етті. Жалпы, "ҚТЖ" ҰК" АҚ індеттің алдын алуда барлық іс-әрекеттің дер кезінде қолға алынғанын хабарлап отыр.

Осы орайда, бүгінгі таңда, Қазақстан мен Қытай арасында екі - №103/104 "Үрімші – Алматы-2" және  №13-54/14-53 "Алматы-2 - Нұр-Сұлтан (Нұрлы жол) – Үрумші" жолаушылар пойыздары қатынауда.  

"Еліміз аумағында вирустың таралуына жол бермеу мақсатында Достық және Алтынкөл станцияларында келген пойыз жолаушылары мен бригадалары қызметкерлерін қазақстандық санитарлық қызмет тексерістен өткізеді: олар тепловизор арқылы жол жүрушілердің жағдайын тексереді және қалдарын сұрап біледі. Содан кейін жолаушылар мен пойыз бригадасы қызметкерлеріне шекаралық және кедендік тексерістер жүргізіледі.

Ұлттық тасымалдаушымен жолсеріктермен тұрақты негізде нұсқалықтар өткізіліп, ауырып қалған жолаушыны анықтау кезінде пойыз бастығының іс-әрекетін регламенттейтін, жолаушылар немесе пойыз бригадасы қызметкерінің коронавируспен ауырып қалуы күдігі немесе анықталған кезінде жолаушылар пойызы бастығы үшін нұсқаулық әзірленді", - деп хабарлайды Ұлттық компания өкілдері.

Нақты іс-қимылға тоқталсақ, жолаушылар пойызының қозғалысы кезінде жолаушылар мен қызмет көрсету персоналының коронавируспен ауырып қалуы күдігінде жолаушылар пойызының бастығы жедел түрде пойыз машинисі арқылы медициналық пункт орналасқан станцияның кезекшісін немесе вокзал бойынша кезекшіні ақпараттандыруы керек.

Пойыздың тоқтау пунктіне келуіне дейін ол алғашқы індеткеқарсы шараларды (ауруды өзге жолаушылардан бөлектеу, ауру жолаушы орналасқан вагон бойынша адамдардың қозғалысына тыйым салу, әрбір 30 минут сайын шәй ыдыстарын, еденді, санитарлық торапты және өзгелеріне дезинфекция жүргізу) өткізуге міндетті.

"Бүгінгі таңда, уәкілетті органмен келісімі бойынша аталған пойыздардың уақытша тоқтатылуы жөніндегі рәсімдер өткізілуде", - дейді Қайрат Сәуірбаев.

ҚР Денсаулық сақтау министрлігі өкілдерінің қатысуымен Алматы және Нұр-Сұлтан қалаларында нұсқаулықтар өткізілген. Сондай-ақ пойыз бригадаларының қызметкерлері тыныс алу маскаларымен жабдықталған және оларды үнемі тағып жүру туралы ескертілген.                           

Бұдан басқа, Қазақстан мен Қытай арасында теміржол көлігімен багаж бен қол жүгін алып жүруге бақылау күшейтілген.

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Астана, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: