Теңізшілер жұмысын тиімді ұйымдастырғаны үшін марапат

Алик Айдарбаев Орынбасар Кусалимовтың коронавирус пандемиясы кезіндегі компания қызметкерлерімен белсенді және жауапты жұмыс атқарғанын атап өтті.

Қазақстанда төтенше жағдай режимі енгізілуіне байланысты елде теңіз кемелері экипаждарының ауысымдық қызметіне қатысты мәселе туындаған болатын. Вахтада жүрген теңізшілер үйлеріне қайта алмай, оларды ауыстыратын адам болмады.

Осыған байланысты «Қазақтеңізкөлікфлоты» компаниясы олардың айлық жалақысына қосымша ақы төлеу туралы шешім қабылдады. Наурыз айының соңынан бастап, сәуірдің соңына дейін ауысымда қалған теңізшілерге жүктемеден артық жұмыс істеген уақыты үшін жалпы көлемі 40 миллион теңгеге жуық ақы төленді. Төтенше жағдай режимі аяқталғаннан кейін жұмыс бірқалыпты режимде жалғасты.

Персоналды басқару қызметінің осы және өзге де қолданған шаралары үшін «Қазақтеңізкөлікфлоты» компаниясы «ҚазМұнайГаз» ҰК» АҚ басшылығының марапатына ие болды.