Тілді дамытудың көңілді тетігі

Барлығы 11 команданың ішінде өңірлік филиалдармен қатар, "KEGOC" АҚ Атқарушы дирекциясы, "Энергоинформ" АҚ тараптары бар. 

"Бұл шара, біріншіден, ұжымдық рухты көтереді. Екіншіден, компаниядағы мемлекеттік тілдің қолданылу аясын, мәртебесін жоғарылатады. Биыл 9 филиалдан 9 команда қатысты, өте қызықты шара болды",– дейді "Энергоинформ" АҚ қызметкері Нұрлан Құнафин.

Қатысушылар үш кезең бойынша бақ сынасқан КТК қорытындысы бойынша Алматы ЖЭТ филиалынан қатысқан "Апорт-KEGOC" командасы бас жүлде иесі атанды. Бірінші орынды "Энергоинформ" АҚ "Нұр-информ" командасы, екінші орынды Шығыс ЖЭТ "Ертіс толқындары" командасы алды. Ал үшінші орынды Ақтөбе ЖЭТ филиалының "04 өңір" командасының ойыншылары еншіледі.

"Бұл шара компанияның мемлекеттік тілге деген құрметін, жастар арасындағы, компаниядағы қызметкерлердің бір-бірімен емен-жарқын байланысын көрсетеді деген ойдамын. Өте жақсы идея, жақсы іс-шара. Ұзағынан болғай", – деп Қазақстан КВН одағының президенті Есен Елеукеннің пікірін келтіреді Егемен.