Тимур Сүлейменов Ұлттық банк басшысы болып тағайындалды

Сенат Тимур Мұратұлы Сүлейменовтің Қазақстан Республикасы Ұлттық банкінің төрағасы болып тағайындалуына келісім берді, деп хабарлады Информбюро порталы ҚР Парламент Сенатының баспасөз қызметіне сілтеме жасап. 

"Палата отырысында мемлекет басшысының ұсынуын Президент әкімшілігінің басшысы Олжас Бектенов оқып берді. Айта кетейік, Конституцияға сәйкес ел Президентінің Ұлттық банк төрағасын тағайындауына келісім беру Сенаттың ерекше қарауына жатады", – делінген хабарламада. 

Мемлекет басшысының Жарлығымен Қазақстан Республикасы Президентінің Әкімшілігінде басқару құрылымының өзгеруіне байланысты Тимур Мұратұлы Сүлейменов Қазақстан Республикасы Президентінің Әкімшілігі Басшысының бірінші орынбасары лауазымынан босатылған еді. 

Осыған дейін бұл қызметті Ғалымжан Олжаұлы Пірматов атқарған еді. Ол Мемлекет басшысының Жарлығымен Қазақстан Республикасы Ұлттық Банкінің Төрағасы лауазымынан босатылды.