Транскаспий дәлізі арқылы теңіз порттарында жүктерді ауыстырып тиеу көлемі артты

Көлік министрлігінің мәліметінше, биылғы жылдың 4 айының қорытындысы бойынша аталған бағытта жүк тасымалы көлемінің өсімі 15 пайызға жеткен. Құрық порты арқылы жүк көліктерінің өтуі 34 пайызға, ал Ақтау порты арқылы өтетін контейнерлер саны 27 пайызға өсті.

Қытайдан ЕО елдеріне контейнерлік транзиттің өтуі 3,4 есе артқанын ерекше атап өткен жөн.

Сонымен қатар, биыл Құрық портын тереңдету жұмыстары жоспарлануда. Бұл кемелердің портқа кіруі үшін жеткілікті тереңдікті қамтамасыз ету үшін қажет.

Темір жол және су көлігі комитетінің өкілдері жұмыс сапары барысында Құрық портының суын тереңдету бойынша дайындық жұмыстарының барысымен танысты. Мамандар негізгі жұмысқа биыл жаздың ортасында кіріседі.