09 қараша 2020, 13:41 1416 Нұрболат Аманжол

Транзиттік жүк тасымалын арттыратын келісім

«Қазақстан темір жолы» ҰК» АҚ мен «Dostyk БКТ» ЖШС арасында Достық станциясында терминал құрылысы бойынша ынтымақтастық туралы келісімге қол қойылды, деп хабарлайды SKnews ҚТЖ баспасөз қызметіне сілтеме жасап.

Бұл «Қазақстан Темір Жолы» ҰК» АҚ-ның Достық станциясын дамыту және Достық – Мойынты учаскесін жаңғырту шеңберіндегі екінші жобасы. Ол Қазақстанның транзиттік әлеуетін дамыту үшін негізгі тізбек болып табылады.

Терминалды 2023 жылы іске қосу жоспарланып отыр. Бастапқы кезенде жылына 150 мыңға дейін контейнер жөнелту қуаты құрылады. Жүк айналымының өсімі бойынша терминал мүмкіндігі жылына 200 мыңға дейін контейнерге арттырылатын болады.

«ҚТЖ» ҰК» АҚ Қазақстан аумағы арқылы Еуропа – Азия бағытында трансқұрлықтық транзиттік жүк ағынын тарту үшін Достық станциясын дамытуға жіті назар аударып келеді.

Еще больше новостей на нашем telegram-канале , подписывайся и будь в курсе!

К списку статей Следующая статья