ТШО-да жұмыс істейтін қазақстандық мамандардың үлесі 95%-ға жетті

Жоба аясында жергілікті кадрлар үлесін ұлғайту бағытында ауқымды жұмыс атқарылды. Бүгінде «Теңізшевройл» ЖШС (ТШО, 20% үлесі «ҚазМұнайГаз» ҰК АҚ-ға тиесілі) персоналының 95% — қазақстандық мамандар. 1993 жылы бұл көрсеткіш небәрі 50% болды. Осы нәтиже жергілікті қызметкерлердің кәсіби деңгейі айтарлықтай өскенін көрсетеді.

Қазақстандықтардың кәсіби дамуына, озық стандарттар мен технологияларды меңгере отырып, басқарушылық және көшбасшылық дағдыларын жетілдіруге басымдылық берілуде. Мамандар үшін елде және шетелде еңбек тәжірибесінен өту мүмкіндігі қарастырылған. 1999 жылдан бастап кәсіби шеберлігі мен біліктілігін дамытып, білім алып, тәжірибен өткен 480-ден астам маман халықаралық немесе ішкі деңгейдегі қызметтерге тағайындалды.

Бұдан басқа 2007 жылдан бері ТШО-ның 470-тен астам қазақстандық басшылық және техникалық лауазымдардағы шетелдік мамандардың орнын алмастырды.