Туған күніңмен, кәсіподақ

Былтыр 30 жылдығын атап өткен «Қазкөліккәсіп» қоғамдық бірлестігі – «Қазақстан темір жолы» ұлттық компаниясында еңбек ететін жүз мыңдаған теміржолшылардың тірегіне айналған қоғамдық ұйым. Оның тарихы тәуелсіз Қазақстан тарихымен тамырлас. 1992 жылы Алматыда теміржолшылар мен көлік құрылысшылары кәсіподағының алғашқы құрылтай съезі өтіп, оған республикамыздың үш темір жолынан 120-дан астам делегат, ҚР Көлік және коммуникациялар бірінші министрі қатысты.  

Бүгінгі таңда «Қазкөліккәсіп» ҚБ – Халықаралық теміржолшылар кәсіподақтары конфедерациясының, ҚР Кәсіподақтар федерациясы құрылтайшыларының бірі және Халықаралық көлік федерациясының мүшелік ұйымы. Оның құрылымына 13 филиал, 17 жергілікті кәсіподақ, 315 бастауыш кәсіподақ ұйымы, сондай-ақ Атырау, Маңғыстау және Семей өңірлері мен Защита торабы бойынша Орталық кәсіподақ кеңесінің төрт өкілі кіреді.  

Кәсіподақтың «Қазақстан темір жолы» ҰК» АҚ, оның еншілес ұйымдары мен құрылымдық бөлімшелерінің басшылығымен өзара қарым-қатынасы тең құқылы әлеуметтік әріптестік қағидаты бойынша құрылған. Салаға қатысты келісімде және ұжымдық шарттарда белгіленген міндеттемелер мен кепілдіктерді іске асыру теміржол көлігінің тұрақты жұмысын сақтауға мүмкіндік береді.

Кәсіподақтар мерекесі құрметіне ҚТЖ-да Көпфункционалды қызмет көрсету орталығы арнайы флешмоб ұйымдастырды. Олар  атаулы күнде олар флешмобтан бөлек ҚТЖ бас мұражайында куиз ойынын ұйымдастыруды көздеп отыр.  

Райхан Рахметова

Дереккөз: "Қазақстан теміржолшысы"