Тұрғын үй жобаларының перспективалары талқыланды

«Samruk-Kazyna Construction» АҚ басқарма төрағасы Мәулен Айманбетов China Tianchen Engineering Corporation маркетинг және бизнес департаментінің директоры Сан Байшуангпен және TCC-ның Қазақстан Республикасындағы филиалы директорының орынбасары Доу Ванлимен кездесті.

Келіссөз жүргізу барысында TCC корпорациясының өкілдері өз қызметінің бағыттары туралы айтты. Кездесуге қатысушылар пікір алмасып, қоғамның көппәтерлі тұрғын үй кешендерін салу жобаларына шетелдік капиталдың қатысу перспективаларын талқылады.

Өз кезегінде Қытай Халық Республикасынан келген делегация қоғам басшылығына кездесу үшін алғыс айтып, болашақ ынтымақтастыққа үміт білдірді.