Главная Новости Түрік компаниясы Маңғыстау облысында кеме жөндеу зауытын салуды жоспарлап отыр

29 мамыр 2024, 16:37 530

Түрік компаниясы Маңғыстау облысында кеме жөндеу зауытын салуды жоспарлап отыр

Бұл туралы Түркия Республикасының Ақтау қаласындағы бас консулы Сабри Альптекин аймақ басшысы Нұрдәулет Қилыбаймен кездесуінде мәлімдеді. Тараптар сауда-экономикалық және мәдени-әлеуметтік байланыстарды нығайту және кеңейту мүмкіндіктерін де талқылады, деп хабарлайды Маңғыстау облысы әкімдігінің баспасөз қызметі.

2024 жылдың қаңтар-наурыз айларында Маңғыстау облысы мен Түркия арасындағы сыртқы сауда айналымы 4,9 млн АҚШ долларын құрады. Облыста түрік капиталының қатысуымен 103 кәсіпорын белсенді жұмыс істейді. Бас консулдың айтуынша, Маңғыстау облысында 1100 түрік азаматы тіркелген, оның 550-і Ақтауда тұрақты тұрып, жұмыс істейді.

- Түрік кәсіпкерлері аймақ экономикасына инвестиция құюға және достық әлеуметтік және мәдени қарым-қатынасты нығайтуға мүдделі. Мысалы, YDA компаниясы Ақтау теңіз порты маңында кеме жөндеу зауытын салуды жоспарлап отыр, қазір келіссөз жүріп жатыр, - деді Сабри Альптекин.

Маңғыстау облысының әкімі Нұрдәулет Қилыбай Түркияның Бас консулына екіжақты әріптестікті дамытуға белсенді атсалысқаны үшін алғыс айтып, жергілікті атқарушы орган да өз тарапынан сауда-экономикалық, энергетикалық және инвестициялық ынтымақтастықты, сондай-ақ мәдени, білім беру және әлеуметтік салалардағы байланыстарды кеңейтуге бар күш-жігерін салатынын атап өтті.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS