«Түркия-Иран-Түркіменстан-Өзбекстан» жаңа теміржол бағыты бойынша жүк тасымалы басталды

«Гумрух» станциясынан Ташкент қаласына дейінгі жүк тасымалдау маршрут жобасын «Өзбекстан темір жолы» АҚ түрік тарапымен бірлесіп әзірлеген. Осы бағыт бойынша 40 вагоннан тұратын тұрмыстық техникасы бар пойыз (тоңазытқыш қондырғылары) Түркия, Иран, Түркіменстан арқылы Өзбекстанға жетті.

Жалпы ұзындығы 4500 шақырымнан асатын бұл бағыт Өзбекстаннан халықаралық нарықтарға жүк тасымалдауға қосымша мүмкіндік болып табылады.

Ташкент орталық вокзалында «Түркия-Иран-Түркіменстан-Өзбекстан» жаңа теміржол бағытының ашылуына арналған шара ұйымдастырылып, онда Түркиядан Өзбекстанға жолға шыққан алғашқы жүк пойызын қарсы алу рәсімі өтті.

Осы шаралардың барлығы өңірдегі қолданыстағы көлік-коммуникациялық желілер мен инфрақұрылымды тиімді пайдалануға, сыртқы сауда тауарларын негізгі әлемдік және өңірлік нарықтарға тасымалдауға кететін уақыт пен қаржылық шығындарды айтарлықтай қысқартуға мүмкіндік береді.

Жаңа теміржол бағытының ашылу шарасына «Өзбекстан темір жолдары» АҚ басқарма төрағасы Х.Хасилов, Түркия Республикасының Өзбекстандағы Төтенше және өкілетті елшісі Олган Бекар, түрік темір жолының өкілдері, кәсіпкерлер қатысты.