Главная Новости Түркиядан инвестиция тартылады
Маңызды13 қыркүйек 2018, 18:06 998

Түркиядан инвестиция тартылады

Түркиядан инвестиция тартылады Сурет: akorda.kz

Елбасының Түркия Республикасына сапары аясында «Самұрық Қазына» АҚ компаниялар тобы бірқатар келісімдерге қол қойды. Мәселен түркиялық тарап Қарағанды облысындағы Оңтүстік Мойынты кен орнынан алтын өндіруді жоспарлап отыр.

Ақпарат көзінің хабарлауынша, Анкара қаласындағы қазақ-түрiк инвестициялық форумы аясында «Тау-Кен Самұрық» ҰТК» АҚ жалпы сомасы $109 млн құрайтын «Eczacıbaşı» және «Çalık Holding» ірі түрік өндірістік холдингілерімен 2 келісімге қол қойды. Тараптар Қарағанды облысы аумағындағы екі кен орнында пайдалы қазбаларды зерттеу мен өндіру туралы уағдаласты.

Сондай-ақ, форум аясында «Қазақстан темір жолы» ҰК» және «TCDD Transportation» акционерлік қоғамдары, «Қазақтелеком» АҚ және «Interbank card center of Turkeу» компаниясы арасында ынтымақтастық туралы келісімге қол қойылды.

Жалпы, Елбасы Нұрсұлтан Назарбаев, жергілікті іскер топ өкілдерімен кездесу барысында Қазақстанның экономикалық артықшылықтарына және елімізде бизнес жүргізу үшін жасалған қолайлы жағдайларға назар аударды.

«Қазақстанда инвестициялық ахуалды жақсарту жөнінде кешенді жұмыстар жүргізілуде. Кәсіпкерлікті дамыту үшін заңнамаға тиісті өзгерістер енгізілді. Дүниежүзілік банктің «Бизнес жүргізу жеңілдігі» рейтингінде Қазақстан 190 елдің арасында 36-орында. Біздің мемлекет Экономикалық ынтымақтастық және даму ұйымы Инвестициялық комитетінің мүшесі болып саналады», – деді Қазақстан Президенті.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: