Главная Новости Тұрмысы өзгерген Айсары ауылы

Тұрмысы өзгерген Айсары ауылы

Тұрмысы өзгерген Айсары ауылы

«Қазақтелеком» Солтүстік Қазақстан облысының шалғайдағы ауылдарын жылдамдығы жоғары интернетке қосып жатыр. Ақжар ауданының екі жүздей тұрғыны бар Айсары ауылы облыс орталығынан 300 шақырым жерде. «Қазақтелеком» Наурызға сыйлық ретінде кең жолақты интернет әкеліп, ауылды бір қуантып тастап еді. Содан бері 2 аптаның ішінде бұрын телефон байланысынан басқаны көрмеген шағын ауылдың тұрмысы өзгеріп шыға келді.

«Интернет бұрын тек әкімдік пен мектепте ғана болушы еді. Қашықтан оқуға көшкен кезде, қаладан оралған студенттер оқуынан қалмасын деп кабинет жабдықтап бергенбіз. Ал қазір олар үйінде оқып жүр», – дейді Айсары ауылы әкімінің міндетін атқарушы Самал Қасенова.

Былтыр Солтүстік Қазақстан облысында радиокөпір технологиясы арқылы 6 ауылға жылдам интернет тартылған, биыл соны тағы 9 ауылға апару көзделіп отыр.

«Қазір Айсары ауылының тұрғындарын 100% интернетке қосу мүмкіндігі бар. Қазір азаматтар үшін, әсіресе ауылдағы ағайын үшін интернеттің қаншалық орасан маңызы барын білеміз. Сондықтан компания жұрттың бәрін бірдей жылдам желімен қамтуға бар күшін жұмылдырып отыр», – дейді «Қазақтелеком» Солтүстік ӨТД бас директоры Ерсайын Дүйсемәлиев.

Бүгінгі тағда СҚО-да «АЕМ ТОБЖ» жобасы аясында 61 ауылдағы 155 мемлекеттік мекеме кең жолақты интернетпен қамтылған.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: