Түтін газдары ауаға тарағанға дейін тазартылады

Инженердің айтуынша, тұрғындарды ең бірінші кезекте зауыт құбырынан шығатын түтін алаңдатады. Алайда бұл түтін не бу заманауи технологиялардың көмегімен атмосфераға шыққанға дейін тазартылады және өзінің құрамы бойынша зауыттан көрінетін бұлт су буы мен көміртегі диоксидінің қоспасы болып табылады.

«Үнемі көрініп тұратын бу шығаратын құбырдың техникалық атауы — каталитикалық крекинг қондырғысында түтін газдарының сіңірілуін қамтамасыз ететін BELCO секциясының скруббері, — деп түсіндірді Азамат Уртамбаев. — DuPontBelco технологиясына сәйкес, бұл қондырғы түтін газын тазартатын модульдермен жабдықталған. Нәтижесінде газдар кокстың жану өнімі ретінде қондырғыда механикалық қоспалардан: жүзіндіден, шаңнан және химиялық қоспалардан — күкірт және азот оксидтерінен тазартылады».

Инженердің айтуынша, қондырғыда көміртегі тотығын толық жағу қарастырылған, соның нәтижесінде улы газдың (СО) толықтай жануына әкеледі. Нәтижесінде қалатын су қалдығы — түтін газдарымен бірге атмосфераға шығатын бу болып есептеледі.

Зауыт құбырынан су буының химиялық құрамы туралы мәселені түсіндіре отырып, спикер АFM-модульдері мен g400 төменгі модульдерін тазартудың арқасында бүркуге алдын ала химиялық тазартылған су берілетінін және адамдарға және жалпы биосфераға теріс әсер ете алмайтынын атап өтті.