Университет түлектеріне еңбек кітапшалары табыс етілді

«Қаражанбасмұнай» АҚ басшылығы жас мамандарды практикаға бағытталған оқытудың табысты аяқталуымен құттықтап, сәттілік тіледі.

«Қаражанбас сияқты бірегей өндірістік нысанда тәжірибеден өту бізге мықты тәжірибе берді. Кен орнында бізді студент ретінде емес, маман ретінде қабылдады. Бәріміз өз мамандығымызды зерттеп, үлес қосуға тырыстық. Осындай керемет мүмкіндік сыйлағвн ҚБМ басшылығына алғыс айтамыз», – деп атап өтті түлектер.

Айта кетейік, биыл Шахмардан Есенов атындағы университет пен колледждің 18 студенті Қаражанбас кен орны базасында сұранысқа ие 10 мамандық бойынша өндірістік тәжірибеден өтті. Олар бір жыл ішінде өндірістік қызметпен танысып, технологиялық операцияларды орындау дағдыларын игерді.