«Урал Ойл энд Газ» ЖШС бас директоры тағайындалды

Болат Досмұхамбетов «Урал Ойл энд Газ» ЖШС бас директоры болып тағайындалды. Жаңа бас директорды кәсіпорын ұжымына «ҚазМұнайГаз» ҰК АҚ Басқарма төрағасының орынбасары Бекзат Абайылданов таныстырды.

➤ Қ.Сәтбаев атындағы ҚазҰТУ «Мұнай және газ геологиясы» мамандығы бойынша бітірген, геология ғылымдары және кен орындарын игеру магистрі (L'Institut National Polytechnique de Lorraine), MBA дәрежесі бар (KazGUU Business School and University of Business and International Studies).

➤ Болат Досмұхамбетов әр жылдары Weatherford-да инженер-геофизик, «Маңғыстаумұнайгаз» АҚ, «Қазақ мұнай және газ институты» АҚ-да менеджер, Total S.A. компаниясының құрылымдық геология және седиментология департаментінде геолог, KMG Kashagan B.V. перспективті жобалар департаментінің директоры, CMOC B.V. бас директорының орынбасары, «Исатай Оперейтинг» ЖШС бас директоры болып жұмыс істеді.

➤ ҚР Энергетика министрлігінің «Мұнай-газ кешенін дамытуға қосқан үлесі үшін» наградасымен марапатталған.

➤ 2019 жылдан бері Президенттік жастар кадр резервінің мүшесі.