Вокзалдарда «Күту парағы» қызметі бойынша кеңестер өткізіледі

Ұлттық тасымалдаушының қызметкерлері жолаушыларға қызметті дұрыс пайдалану жолдарын, кассаға бармай онлайн түрде жоспарланған сапарларға билеттерді өз бетінше брондауды үйретеді.

Сонымен қатар, жолаушылар қажетті ақпаратты алып қана қоймай, компания қызметкерлерінің көмегімен «Күту парағына» өтініш бере алады.

Ақпараттық-консультациялық аймақтар күн сайын сағат 09:00-ден 18:30-ға дейін жұмыс істейді. Естеріңізге сала кетейік, «Күту парағы» қызметі арқылы жолаушылар билет болмаған жағдайда, бос орынға кезекке тұра алады.

Қызметке өтінішті ақысыз негізде «Жолаушылар тасымалы» АҚ билет сату сайтында немесе кассаларында, пойыз жөнелтілгенге дейін 7 күннен ерте емес және 2 сағаттан кеш емес уақытта беруге болады. Жыл басынан бері «Күту парағы» қызметін шамамен 17 мың адам пайдаланған.