07 қараша 2023, 14:00 947

Wabtec аккумулятормен жүретін жаңа локомотивті таныстырды

Wabtec ауыр жүк пойыздарын тартуға арналған FLXdrive магистральдық аккумуляторлы локомотивті таныстырды. Оны австралиялық Roy Hill тау-кен компаниясы шахта мен порт арасында пайдаланбақ. Локомотив жалпы қуаты 7 МВт/сағ тартқыш батареялармен жабдықталған.

Roy Hill компаниясына локомотивтерді жеткізу жөніндегі келісімшарт 2021 жылы жасалған.

Қазіргі уақытта Roy Hill салмағы 33 мың тоннадан асатын және ұзындығы 2700 м пойыздарды тарту үшін ES44ACi сериясының төрт тепловозын пайдаланып жатыр. Енді оларға FLXdrive тепловозын қосуды жоспарлап отыр, оның тартқыш аккумуляторлары темір рудасы тиелген пойыз портқа 344 шақырымдық желі бойымен еңіспен қозғалған кезде регенеративті тежеу арқылы қайта зарядталады. Жиналған энергия пойызды кері қайтар жолға жылжытуға жұмсалады, осылайша отын шығыны мен зиянды шығарындыларды төмендетпек.

Wabtec сондай-ақ, ыстық аймақтар үшін, яғни ауа температурасы 55 °C климатты ескере отырып, тартқыш батареялар үшін арнайы жылуды басқару және салқындату жүйесін әзірледі.

Локомотив тартқыш аккумуляторларды орнату және сынау жұмыстары аяқталғаннан кейін 2024 жылы тапсырыс берушіге беріледі.

Еще больше новостей на нашем telegram-канале , подписывайся и будь в курсе!

К списку статей Следующая статья