Үлбі металлургия зауыты еңбек ардагерін зейнет демалысына шығарып салды

1977 жылы әлі жап-жас Сергей Лемешко зауытқа электр жабдықтарын жөндеу және техникалық қызмет көрсету бойынша электромонтер болып келді, содан кейін УӨ-де шебер-электрик және энергетик болып жұмыс істеді. Ол ірі жобаларды іске асыруға және кәсіпорында жаңа жүйелерді енгізуге қатысты.

Сергей Борисовичтің еңбегі назардан тыс қалмады. Көп жылғы және адал еңбегі үшін ол 32 алғыс хатпен марапатталды, «Қазатомөнеркәсіп» ҰАК» АҚ және ҮМЗ құрмет грамоталарымен, III және II дәрежелі «ҚР атом саласының еңбек сіңірген қызметкері» құрметті төсбелгілерімен, Қазатомөнеркәсіптің 15 және 20 жылдық мерейтойлық белгілерімен марапатталды. 2002 жылы оған «Зауыт ардагері» атағы берілді, ал 2021 жылы оның аты-жөні зауыттың Құрмет Кітабына енгізілді.

Ұжым мүшелері ардагерді құттықтап, игі тілектермен салтанатты түрде құрметті демалысқа шығарып салу рәсімін ұйымдастырды. Сергей Борисович зауытқа қалай келгенін, онымен бірге қалай өскенін және өз тәжірибесін жас энергетиктерге бергенін есіне алды. Әріптестері оған көп жылғы адал еңбегі, кәсіби және адами қасиеттері үшін алғысын білдірді. Кәсіпорынның дамуына қосқан зор үлесі үшін оған «ҮМЗ» АҚ Басқарма төрағасы Сергей Бежецкийдің алғыс хаты табысталды.