08 ақпан 2021, 09:08 1529

«Үлес» мұқтаж отбасыларға азық-түлік үлестірді

Әлеуметтік өзара ықпалдастық пен коммуникация орталығына қарасты "Үлес" орталығының қызметкерлері Маңғыстау облысы Мұнайлы ауданының тұрмыстық жағдайы қиын, аз қамтылған және көп балалы – жалпы саны 5 мұқтаж отбасына қайырымдылық көмек көрсетті.

Қайырымдылық шарасы аясында барлық отбасыларға азық-түлік таратылып, оларға ең қажетті деген ұн, сәбіз, пияз, қант, картоп, макарон, өсімдік майы, күріш, шай сынды азық-түлік өнімдері үлестірілді.

Бұл ретте алдымен Мұнайлы ауданы әкімдігі ұсынған көмекке мұқтаж отбасылардың тізімі жасақталып, нақты мекенжайларға жеткізілді. Аталмыш тізімге жалғызбасты көпбалалы жұмыссыз аналар, 1 топ мүгедектері мен баспанасы жоқ отбасылар, жүріп-тұру мүмкіндігі шектеулі адамдар енді.

Акция барысында еріктілердің отбасылардың қажеттіліктерін жазып алды. Алдағы уақытта қайырымдылық қорларымен бірлесе олардың нақты қажеттіліктері бойынша көмек жұмыстарын жүргізу қарастырылмақ.

Көмек алған отбасылар ризашылығын білдіріп, ақ тілектерін айтты.

Еще больше новостей на нашем telegram-канале , подписывайся и будь в курсе!

К списку статей Следующая статья