Ұлыбритания патшайымы II Елизавета дүниеден өтті

Ұлыбритания патшайымы II Елизавета Балморал сарайында 96 жасында өмірден өтті.

Осыған орай Лондонның орталығындағы барлық үкіметтік ғимараттардағы мемлекеттік ту түсірілді.

Бұған дейін монарх Балморалда медициналық бақылауда болғандығы туралы хабарланған болатын. Патшайымның ұлы ханзада Чарльз және басқа да отбасы мүшелері Шотландиядағы резиденциясына келіп, онымен бірге болды.

Енді тақ оның ұлы ханзада Чарльздың қолына өтіп, ол III Карл есімін алды.

III Карл Британия патшасы болып ресми түрде жұма күні жарияланады. Содан соң ол ел ішінде патшайымды еске алу турына аттанады.

Елизавета патшайымның денесі 10 күннен соң жер қойнына табысталады. Оған дейін елде ұлттық аза тұту күні болады.