16 маусым 2021, 09:00 1093

Ұлықбек – үздік желілік жетекші

Just in time корпоративтік мотивациялық байқауының қорытындысы бойынша Қызылордадағы В2С телекоммуникация желілерін дамыту цехының бастығы Ұлықбек Мақатаев «Үздік желілік жетекші» атағын жеңіп алды. Бұл туралы компанияның баспасөз қызметі Facebook желісінде хабарлады.

Мұндай байқауға қатысу үшін көптеген талапқа сай болу қажет, мысалы, мінсіз қызмет көрсету керек, аса жылдам жұмыс істеу керек. Ұлықбек барлық тапсырманы асқан шеберлікпен дер кезінде әрі сапалы орындады.

Қызылордалық маман байланыс саласында 2011 жылдан бері жұмыс істейді. Ол осы салаға келгелі компанияның жоғары білікті маманы әрі үлгілі басшы атанып үлгерді.

«Менің командамда 18 жастан 60 жасқа дейінгі қызметкерлер бар. Жұмысты жақсы ұйымдастыру үшін соның әрбірімен тіл табысуға тиіспін. Сол арқылы командамды көшбасшы ұжымға айналдырдым. Жарты жылдық басты көрсеткіштерді талдау Қызылорда бүкіл нормативтік көрсеткіштер бойынша 1-орында екенін көрсетті», – дейді Ұлықбек Мақатаев.

Еще больше новостей на нашем telegram-канале , подписывайся и будь в курсе!

К списку статей Следующая статья