14 сәуір 2021, 07:54 1117

ҰОС ардагерлеріне құрмет

«Samruk-Kazyna Trust» қоры «Жолаушылар тасымалы» АҚ-мен бірлесіп 1935 жылдың 31 желтоқсанына дейін туған ҰОС ардагерлері мен тыл еңбеккерлері үшін темір жол көлігімен тегін жол жүру науқанын жүзеге асырады. Науқанға 2021 жыл бойы қатысуға болады.

Биылғы жылы, Ұлы Жеңістің 76 жылдығына орай, 1-31 мамыр аралығында науқанды жасы бойынша шектеусіз тыл еңбеккерлерінің барлығы бірдей пайдалана алады.
Айта кетейік, науқан «Жеңіс» республикалық әлеуметтік-қайырымдылық жобасы аясында өткізілуде.

Науқанға қалай қатысуға болады:

Тегін билетті рәсімдеу үшін жеке куәлік пен ҰОС ардагерінің немесе тыл еңбеккерінің куәлігін ұсыну қажет.
ҰОС ардагерлері мен тыл еңбеккерлері Қазақстан Республикасы мен ТМД елдері шегінде барлық бағыттар бойынша тегін жол жүре алады.
ТМД елдеріне бағыт алған кезде тегін жол жүру құжаттары (билеттер) тек Қазақстан Республикасының аумағында орналасқан сату пункттерінде ресімделеді.
Тегін жол жүру билетін «Жолаушылар тасымалы» АҚ билет кассаларынан сатып алуға болады.

Еще больше новостей на нашем telegram-канале , подписывайся и будь в курсе!

К списку статей Следующая статья