«Үздік инновациялық компания» байқауы басталды

«Самұрық-Қазына» қоры және «Самғау» Ұлттық ғылыми-техникалық ақпарат орталығы портфельдік компаниялар арасында «Үздік инновациялық компания» байқауының басталғанын хабарлайды.

Мақсаты – жаңашыл идеяларды қолдау, тиімді тәжірибе алмасу, өндірістегі жұмысты жетілдіру және жаңа шешімдер ұсынудағы белсенділікті ынталандыру.

Байқау номинациялары:

1. Үздік инновациялық компания – Компанияның инновацияларды қолдау деңгейі бағаланады: қызметкерлердің қатысуы, бөлінетін қаржы көлемі, тәжірибеге енгізілген идеялар саны, патенттердің және жоғары оқу орындары мен ғылыми-зерттеу институттарымен бірлескен жобалардың болуы.

2. Үздік жаңашыл қызметкер – Қызметкердің жеке жетістіктері ескеріледі: ұсынылған идеялардың саны мен сапасы, олардың жүзеге асу деңгейі және инновациялық мәдениетті дамытуға қосқан үлесі.

3. Ең үздік енгізілген ұтымды ұсыныс – Ұсыныстың әлеуметтік және экономикалық тиімділігі бағаланады.

Өтінім беру 2025 жылдың 15 қазанына дейін жалғасып, байқау материалдары info@csti.kz электрондық поштасына қабылданады. Қор тобына кіретін барлық портфельдік компаниялар байқауға қатыса алады.