Главная Новости «Үздік маман» – білімді де тәжірибелі мұнайшылар бәсекесі
05 шілде 2024, 12:30 574

«Үздік маман» – білімді де тәжірибелі мұнайшылар бәсекесі

«Үздік маман» – білімді де тәжірибелі мұнайшылар бәсекесі

«Қаражанбасмұнай» АҚ-да «Үздік маман» кәсіби шеберлік байқауының тәжірибе кезеңі басталды. Аталмыш дода өндірістік цехтардағы теория мен тәжірибені тең меңгерген мұнайшылар арасынан ең мықтыларды анықтайтын бірегей байқау. Жарыста І вахтаның тест тапсырмаларын үздік орындаған жұмысшылар 22 аталым бойынша бақ сынап жатыр. Білікті мамандардан құралған комиссия мүшелері екі күн бойы мұнайшылардың шеберлігі, ептілігі мен шапшаңдығын бағалайды.

Сайыс ережесі бойынша әр қатысушының мамандығына байланысты практикалық тапсырмаға берілді. Мұнайшылар қауіпсіздік техникасы мен алгоритмді сақтай отырып, белгіленген уақыт ішінде жұмысты сапалы орындауға тырысты. Оператор, слесарь, машинист, жүргізуші, аппаратшы, лаборант, жөндеуші, құрастырушы мен дәнекерлеуші сынды мамандар өзара үздіктерді анықтаса, мотористер мен ұңғымаларды жөндеу бригадалары топ болып сайысты.

«Тәжірибе кезеңі – бәсекеге толы шешуші кезең. Мұнда үздік атануға бел буған үміткерлер өзара сайысып қана қоймай, қызметке деген қабілеті мен мүмкіндіктерін паш етеді. Сонымен қатар әріптестерімен тәжірибе алмасып, қарым-қатынасын берік ете түседі. Дайындығымыз өте жақсы. Қобалжу мен эмоцияға бой алдырмай, барлығын сәтті орындап шығуға тырысамыз», – дейді қаражанбастықтар.

Дәл осындай кезең ІІ вахта жұмысшыларына да өткізіледі. Қорытынды қос ауысым сайыскерлері байқауды толық аяқтаған кезде шығарылады. Айта кетейік, додаға қатысуға ниет білдірушілер саны жыл сайын артып келеді. Бұл өз кезегінде мұнайшылардың кәсіби шеберлігін шыңдап, еңбек ұжымын үздік нәтижеге талпындырады.

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Астана, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: