17 лучших работников года выберут в КазМунайГазе на конкурсе «Үздік маман» в Мангистауской области
Казахтелеком подключил пять сел Туркестанской области к высокоскоростному интернету

Главная Новости «Үздік маман» қатысушылары тәжірибе кезеңінде шеберлігін паш етті

11 қазан 2024, 11:41 75

«Үздік маман» қатысушылары тәжірибе кезеңінде шеберлігін паш етті

«Үздік маман-2024» кәсіби шеберлік байқауы тәжірибе кезеңімен жалғасты. Қатысушылар өз аталымдары бойынша «ӨзенМұнайГаз», «Маңғыстаумұнайгаз», «ҚазТрансОйл» АҚ, «Қазақ Ғылыми Жобалау Зерттеу Институты» ЖШС-нің өндірістік объектілері мен зертханаларына бөлініп, берілген тапсырмаларды орындауға кірісті.

Сайыс 17 мамандық түрінен өтіп жатыр. Ал Қаражанбас намысын қорғайтын жұмысшылар 16 аталым бойынша бақ сынайды. Операторлар, лаборанттар, электормонтерлер, дәнекерлеушілер, слесарьлер, машинистер, жүргізушілер, ұңғымаларды жерасты және күрделі жөндеу бригадалары тапсырмаларды қауіпсіздік техникасы мен жұмыс алгоритмін сақтай отырып, белгіленген уақыт ішінде сапалы орындауға тырысты.

Қатысушылардың тапсырманы орындау шеберлігін өз ісінің кәсіби мамандарынан құралған қазылар алқасы қырағылықпен қадағалады.

Аталмыш кезең жеңіске жетуге соңғы қадамдардың бірі. Сондықтан Қаражанбас үздіктері теориялық тапсырма кезіндегі жетістіктерін еселеуді басты мақсат етіп белгіледі. Тәжірибе кезеңі екі күнге жалғасады. Ал жүзден жүйрік шыққандар есімі байқау толық аяқталғаннан кейін белгілі болады.