Главная Новости Заман талабына сай: "Samruk-Kazyna Construction" АҚ цифрландыру жұмыстарын жалғастыруда

03 сәуір 2024, 14:07 812

Заман талабына сай: "Samruk-Kazyna Construction" АҚ цифрландыру жұмыстарын жалғастыруда

Қағазбастылықты қысқарту мақсатында Басқарма төрағасы Мәулен Айманбетов негізгі бизнес-процестерді автоматтандыруды тапсырды. Қазіргі уақытта компанияның құжат айналымы SimBase ақпараттық жүйесі арқылы жүзеге асырылады, алайда процедуралардың барлығы электрондық форматқа біріктірілмеген. Ақпараттық технологиялар департаментінің мамандары оларды қағаздағы нұсқадан SimBase-ке ауыстыруға кірісті. Бұл бюрократияны азайтып қана қоймай, құжаттарды өңдеу уақытын едәуір қысқартпақ.

Мәселен, автоматтандырудың нәтижесінде жаңа маманды жұмысқа қабылдау 3 күннің ішінде рәсімделеді. Оң өзгерістерді жалға алу төлемдерін өңдеумен айналысатын мониторинг департаменті де сезінбек. Шаруаны ақпараттық жүйеге көшіру арқылы мамандардың уақыты айтарлықтай үнемделеді. Заман игілігі Қоғамның барша қызметкерінің жұмысын жеңілдететіні сөзсіз. Жалпы цифрландыру шарасы аясында 20-ға жуық негізгі бизнес-процесті ақпараттық жүйеге көшіру көзделген.

Толық автоматтандыру жұмысы 2024 жылдың 15 мамырына дейін жоспарланған. Жаңашылдық Қоғамның нарықтағы орнын нығайтып, заманауи бизнестің тәуекелдеріне дайын болуға мүмкіндік береді.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS