23 маусым 2021, 14:27 945

«ҚазМұнайГаз» тобының әрбір бесінші қызметкері екпе алды

«ҚазМұнайГаз» компаниялар тобының 13 мыңнан астам қызметкері немесе жалпы персонал санының 20 пайызы Covid-19 індетіне қарсы вакцина алды, деп хабарлады компанияның баспасөз қызметі.

Соның ішінде 6 мыңға жуық қызметкері немесе жалпы санының 9%-ы вакцинаның толық курсын (екі компонентін) алып үлгерді. Компанияда екі компоненттің әрқайсын алған кезде ақылы екі демалыс күні (жұмыс күндеріне сәйкес келсе) берілетінін атап өткен жөн. Бұдан бөлек, вакцинаның екі компонентін салдырған қызметкерлер ПТР-тестін тапсырмай, кен орындарына кедергісіз кіре береді.

«ҚазМұнайГаз» кәсіпорындарында вакцина алу үшін барлық жағдай жасалған: вакциналау орындары орталық кеңселерде, кен орындарындағы арнайы жерлерде және тұрғылықты мекенжайы бойынша медициналық орталықтарда ұйымдастырылған. Мұнайшылар өз қалауымен отандық QazVac, қытайдың Hayat-Vax немесе ресейлік Спутник-V екпесін таңдай алады.

Еще больше новостей на нашем telegram-канале , подписывайся и будь в курсе!

К списку статей Следующая статья