100 теміржолшы жасты қандай тосынсый күтіп тұр?

Бұл туралы өткен жұманың аяғы «ҚТЖ» ҰК» АҚ әкімшіліктік ғимаратында Компанияның жастар саясатын жүзеге асыру мәселелері бойынша өткен баспасөз мәслихатында мәлім болды.

«ҚТЖ» ҰК» АҚ Басқарма төрағасының корпоративтік мәселелер жөніндегі орынбасары Серік Әбденов Мемлекет басшысы Қазақстан халқына арнаған өз Жолдауында 2019 жылды – Жастар жылы деп жариялағанын еске салды. Жалпы, Қазақстанның көліктік-логистикалық кешенің дамыту саласындағы мемлекеттік бағдарламаны орындау жөніндегі Компания алдында тұрған міндеттерді шешуде жастардың қосар үлесі зор.

2009 жылдан бастап «ҚТЖ» ҰК» АҚ жас кадрлардың инновациялық әлеуетін дамыту, кәсіби, тұлғалық өсімі үшін жағдайлар жасауға бағытталған Жастар саясаты бағдарламасы сәтті жүзеге асырылуда.

Бағдарламаны жүзеге асыру шеңберінде теміржол саласы үшін жас мамандарды даярлауға ерекше назар аударылып келеді. Жыл сайын жақсы және өте жақсы үлгеріммен оқып жүрген жас толқын өкілдеріне Компания Басқарма төрағасының Атаулы шәкіртақыларын және «Магистраль» бағдарламасымен оқуға білім грантын беру бойынша жұмыстар жүргізілуде. Соңғы 3 жылда «Магистраль» бағдарламасы бойынша 60 білім гранты және 33 атаулы шәкіртақы берілген. Компания жұмысына жас мамандарды тарту үшін болашағынан үміт күттіретін жастарды таңдаудан бастап олардың маңсаптық өсімі мен дамуында әр түрлі тәсілдер қолданылып келеді. 2016 жылдан бастап Компания кәсіпорындарына салалық жоғары оқу орнының шамамен 240 түлегі жұмысқа орналастырылған.

Теміржол саласындағы жұмыстың тартымдылығын жақсарту және кадрлық әлеуетін нығайту, сақтау үшін «ҚТЖ» ҰК» АҚ қызметкерлерін әлеуметтік кепілдіктермен қамтамасыз ету, соның ішінде баспана мәселесін шешу бойынша міндеттемелерді өз мойнына алған.

Компаниядағы Жастар саясаты бағдарламасын жүзеге асыру шеңберінде олардың кәсіби және тұлғалық дамуы үшін жыл сайын республикалық жастар форумы, «Сен болмасаң, кім?» жастар корпоративтік лагерінің сессиялары, жылсайынғы «Жас кәсіби маман» жастар сыйлығын беру бойынша конкурстары және жыл сайын «Жоба-менеджмент» өңірлік инновациялық конкурстары өткізілуде.

Бүгінгі таңда Компания мен оның еншілес ұйымдарында 52 мың жас қызметкер жұмыс істесе, бұл барлық қызметкерлер санының 39%-ын құрауда.