17 маусымнан бастап Астанадан Алматы мен Шымкентке қосымша пойыздар қатынайды

«Жолаушылар тасымалы» АҚ республикалық үш маңызды қаланың басын қосатын қосымша пойыздарды іске қосуды жоспарлап отыр. Атап айтқанда, пойыздар №204/203 «Астана – Шымкент» және №202/201 «Астана – Алматы» бағыттары бойынша күнделікті 17 маусымнан 31 тамызға дейін жүреді. Бұл туралы «Қазақстан темір жолы» АҚ баспасөз қызметі хабарлады.

«Қосымша пойыздарға билеттер bilet.railways.kz сайтында және «Жолаушылар тасымалы» АҚ теміржол вокзалдарының кассаларында қолжетімді. Ұлттық тасымалдаушы жолаушылардан сапарларын алдын ала жоспарлап, билеттерді ертерек сатып алуды сұрайды. Билеттер болмаған жағдайда жолаушылар билеттерді сату сайтында немесе «Жолаушылар тасымалы» АҚ кассаларында «Күту парағы» тегін қызметін пайдалана алады», – делінген компанияның баспасөз хабарламасында.