03 шілде 2019, 10:16 1703

A320neo жаңа ұшақтары келіп жатыр

Қазақстан елордасына Астана күні қарсаңында "Эйр Астана" компаниясының екінші Airbus A320neo ұшағы келіп қонды, ал үшіншісі бір аптадан кейін күтілуде деп хабарлайды ұлттық тасымалдаушының баспасөз қызметі.

A320neo ұшақтары Қазақстан ішінде және Қытайға, Үндістанға, Ресейге және Украинаға қатынайды.

Airbus A320neo (new engine option) тар фюзеляжды реактивті ұшақ тобына жатады және дербес ойын-сауық жүйесі бар эконом дәрежедегі 162 кресломен жабдықталған.

A320neo ұшағы А320 тобының жетілдірілген нұсқасы болып табылады. Бұл жоғары үнемді ұшақтар Pratt & Whitney жаңа қозғалтқыштарымен жабдықталған.

Жаңа әуе көлігі өз санытындағы ең тыныш лайнер болып есептеледі. Кеңірек салон, сыйымды жүк сөрелерін ұсынады және жарық-диодты технология негізіндегі жарықтандырудың жаңа жүйесі қарастылырлған.

Қазіргі таңда "Эйр Астана" компаниясының әуе паркінде Airbus тобының 17 ұшағы бар: оның ішінде 8 А320, 2 А320neo, 4 А321 және 3 А321neo.

Еще больше новостей на нашем telegram-канале , подписывайся и будь в курсе!

К списку статей Следующая статья