Главная Новости Адал еңбекпен – құрметті зейнетке
14 қазан 2021, 09:38 1161

Адал еңбекпен – құрметті зейнетке

Адал еңбекпен – құрметті зейнетке

Қожанапес Әбдіғалиұлы 1984 жылы «Жетібаймұнайгаз» ӨБ қарасты Өндірістік жұмыстарды ғылыми зерттеу цехында оператор боп еңбек жолын бастайды. Өндірісте ысылып, біраз тәжірибе жинаған Қожанапес Кемалов ұжым арасындағы абырой-беделін адал жүріп, ақ сөйлеп, маңдай терімен тапқан несібенің нәтижесі деп ұғады.

Бүгінде инженер-технолог, шебер, цех бастығы секілді еңбек баспалдақтарынан өткен майталман маманға осы жылды аман-есен аяқтаса, құрметті еңбек демалысының төбесі көрінгелі тұр.

«Қазақта «адамның абыройы өзінен де көп өмір сүреді» деген тәмсіл бар. Мен осыны құптаймын. Әкем мұнай саласында еңбек еткендіктен, біз де осы саладан ұзай қоймадық. Ел қазынасын еселеу жолында еңбек еттік. Құдайға шүкір, 30 жылға жуық өндірісте өткен өмірім мені құрмет пен қошеметке бөледі», – дейді кейіпкеріміз.

1958 жылы Ашхабадта туған Қожанапес Әбдіғалиұлы еңбекке ерте араласып өсті, содан да болар өз ісіне асқан жауапкершілікпен қарайтыны бірден байқалады.

«Бір істі орта жолда қалдыру табиғатымда жоқ. Әр азамат өз ісіне ықтиятты болса, қоғам алға ілгерілей түседі деп ойлаймын. Әсіресе өндірісте бұл өте қажет», – дейді ол.

Бүгінде Асар кенорындағы №3 мұнай және газ өндіру цехында 96 адам жұмыс істейді. Тәулігіне 4 100 текше метр мұнай өндіретін цехта Қожанапес ағаның білігі мен кісілігін үлгі тұтатындар аз емес. Жетібай жерінде тұрақтаған Қожанапес аға адал жары Қарлығашпен немере сүйіп отырған бақытты шаңырақ иесі. Өндірістің ыстық-суығын бірдей көрген маман кенорнының кешегісінің куәсі, бүгінгісінің бел ортасында.

«26 жасымда Асарға келдім. Ол тұста қазіргідей жайлы орын, ыстық тамақ жоқ. Мезі қылатын меңіреу дала, жағдай қиын кез еді ғой. Бүгінгі Асар – бөлек Асар, жастар жағы қаумалап өндірісте жүр. Жаңа техника, жаңа леп», – деп әңгімесін түйіндеді мұнайшы.

Табыс пен тұрмыстың тұғыры – еңбек. 30 жыл ғұмырын өндіріске арнаған Кожанапес сынды жандардың қажыр-қайраты, білік-білімі жұртымызды қашанда мұратқа жеткізері хақ!

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Астана, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: