Ахметжан Есімов: Қор компанияларына қызметкерлерді қабылдау әділ жүргізілетін болады

«Елбасы алдымызға қойған мақсат-міндеттерді орындап, қазақстандықтардың бізге артқан үмітін ақтау - бәріміз үшін үлкен сын. Сол себепті Қор компанияларында жұмыс атқаратын 320 мыңнан астам азаматтың  әрқайсысын қызметке адал болуға, жүктелген міндетті сапалы атқаруға шақырамын. Ақпараттық технологиялардың қарқынды дамуы өмірдің әрбір саласын көз ілестірмей өзгертіп жатыр. Мұндай уақытта өзгеге де, өзіне де талап қоя алатын, білімге құштар, бәсекелестікке қабілетті мамандар ғана жетістікке жетеді», - деді Қордың 10 жылдық мерейтойға арнаған сөзінде «Самұрық-Қазына» АҚ басшысы.

Биыл «Самұрық-Қазына» қоры жаңа кадрлық саясатты бекітті. Оның негізгі мақсаты - Қордағы шешім қабылдау жылдамдығын арттырып, холдингті оңтайлы ұйымға айналдыру. Жаңа кадрлық саясатқа сәйкес, Корпоративтік орталықта жаңа басқару құрылымы енгізілді. Ендігі қадам – Қорға қарасты барлық компанияларда қызметкерлерді қабылдаудың бірыңғай жүйесін енгізу, осылайша әділетті де ашық түрде білікті мамандарды жинау.

Осы орайда Елбасы «Самұрық-Қазына» қорының 2018-2028 жылдарға арналған Даму стратегиясы мен жаңартылған Трансформация бағдарламасын бекітіп, Қорды дамытуға бағытталған іс-шараларға оң бағасын бергені атап өтерлік жайт.

Толығырақ «SK news» газетінің жаңа нөмірінде: http://bit.ly/2q0FO4J