Ахуалды дер кезінде бағалауға көмектеседі

«Волковгеология» АҚ ГРЭ-23 филиалының басшысы Тұрсынбек Құлмағанбетов 1981 жылдан бері осы мекемеде жұмыс жасап келе жатыр. Бастапқыдағы техник-геолог болып істеп, қызмет баспалдағында сатылап өсіп, кейін бұрғылау саласына жоғары білім алудың нәтижесінде кең ауқымдағы маман мәртебесін иеленген. Жұмысы өзіне ұнайды. Себебі бұл өндірісті өзіндік ерекше сипатқа ие деп айтуға болады. Елімізді ядролық отынмен қамтамасыз етуден, шетелге шығарады.

"Егемендік алған жылдары кеңес үкіметі кезіндегі көп мамандар кетіп қалып, өзіміздің еңбек адамдары, жастар қыр-сыры күрделі өнеркәсіпті қайта жаңғырта білді. Соның арқасында қазақстандық уран өнімі дүниежүзіне танылды", - дейді ол.

"Әлеуметтіктұрақтылықиндексі жайына тоқталсам, бізге қатысты соңғы 6 жыл бойы қолға алынған бұл зерттеудің күнделікті қызмет барысында көріне бермейтін өзекті мәселелерді анықтауда көмегі зор. Себебі 1000 адамнан асатын іргелі ұжымда түрлі түйткілдердің де туындайтыны даусыз. Басшылық алдында тартынып тұратын жұмысшы құпия жүргізілетін сауалнаманы толтырғанда ашыла түседі. Бұл құрал жұмысшылардың жағдайын дер кезінде бағалап отыруда аса қажет деп білеміз", - деп тұжырымдайды көпті көрген тәжірибелі маман.