07 қыркүйек 2021, 14:57 1052

Air Astana енді Киев пен Ыстамбұлға жиірек ұшады

7 қыркүйектен бастап әуекомпаниясы сейсенбі күндері «Нұр-Сұлтан-Киев-Нұр-Сұлтан» бағытында қосымша рейс енгізеді. Енді Қазақстан мен Украина астаналары арасындағы рейстер аптасына 3 рет дүйсенбі, сейсенбі және бейсенбі күндері, ал Алматы мен Киев арасында сәрсенбі, сенбі және жексенбі күндері орындалады, деп хабарлады компанияның Корпоративтік коммуникациялар жөніндегі департаменті.

Сонымен қатар, 17 қыркүйектен бастап Алматыдан Ыстамбұлға қосымша жиілік енгізіледі. Осылайша, рейстер жиілігі аптасына 3 рет сейсенбі, жұма және жексенбі күндері болады. Бейсенбіде Нұр-Сұлтаннан Ыстамбұлға бір рейс орындалады.

Cондай-ақ, Нұр-Сұлтаннан Лондонға 18 қыркүйектен рейстердің жандануы туралы естеріңізге саламыз. Рейстер аптасына 2 рет сәрсенбі және сенбі күндері орындалады.

Қазіргі таңда Air Astana компаниялар тобы пандемияға дейінгі кезеңмен салыстырғанда халықаралық рейстердің 60% қалпына келтірді.

Сонымен қатар, қыркүйек айында ресейлік жоғары оқу орындарының студенттері мен өзге азаматтар санаттары үшін Алматыдан Санкт - Петербургке чартерлік рейстер ұйымдастырылады.

Еще больше новостей на нашем telegram-канале , подписывайся и будь в курсе!

К списку статей Следующая статья