10 маусым 2021, 09:04 906

Ақауды жоюда аялдауға болмайды

«Павлодар-Шымкент» мұнай құбыры учаскесіндегі ақаулар мерзімінен бұрын жойылды, деп хабарлады «ҚазТрансОйл» АҚ баспасөз қызметі.

2021 жылғы жоспарға сәйкес «Павлодар-Шымкент» магистральды мұнай құбырының 1108,4 км мен 1210,6 км аралығындағы 33 ақау жылдың үшінші және төртінші тоқсанында жөнделуі тиіс болатын.

Шымкент қаласындағы «ПКОП» ЖШС-не тиесілі мұнай өңдеу зауытының жоспарлы тоқтау кезеңін тиімді пайдалану нәтижесінде ақауларды жою жұмыстары ерте басталды.

Мамыр айы Қарағанды облысының аумағында аптап ыстық ауа райымен ерекшеленсе де, апатты қалпына келтіру пункттері бірлескен еңбектің нәтижесінде жоспарды мерзімнен бұрын орындады. Бұл күні аталмыш магистральды мұнай құбыры бойынша құбыр қабырғасының жұқаруы, тат басу, құбырдың сыртқы қабырғасының шіруі секілді барлық ақаулар жөнделді. Бұлар құбырішілік диагностика жүргізілген кезде анықталғанын да атап өткен абзал.

Сондай-ақ, 2021 жылғы магистальды мұнай құбырының ысырмаларын ашу-жабу кестесіне сәйкес жоспарланған жұмыстар да толығыммен орындалды.

Еще больше новостей на нашем telegram-канале , подписывайся и будь в курсе!

К списку статей Следующая статья