Главная Новости Ақмола өңірінен 5 миллион тоннадан астам астық тиелді
Компания тынысы28 желтоқсан 10:34 475

Ақмола өңірінен 5 миллион тоннадан астам астық тиелді

Ақмола өңірінен 5 миллион тоннадан астам астық тиелді

Жыл аяғына дейін бұл көрсеткіш өсе түспек. Осы орайда теміржолшылар диқандардан және басқа да әлеуметтік маңызды жүктерді тасымалдау үдерісіне қатысушылардан жылдам қимылдауды сұрап отыр.

2018 жылдың 11 айында «ҚТЖ – Жүк тасымалы» АҚ Ақмола бөлімшесі бойынша 5,5 млн тонна астық тиелсе, бұл 2017 жылдың сәйкес кезеңімен салыстырғанда 28% артық. Соның ішінде экспортқа 4,4 млн тонна жөнелтсе, бұл өткен жылдың сәйкес кезеңінен 49% көп. Тартылған астық өнімдерін тиеу өткен жылдың көрсеткішімен шамалас келеді және де 597 мың тоннадан асып отыр.

Тек қараша айының өзінде тасымал көлемі 660 мың тоннаға жетсе, бұл 2017 жылдың көрсеткішінен 23% жоғары деп хабарлайды «ҚТЖ – Жүк тасымалы» АҚ баспасөз қызметі.

Қазақстандық астық пен ұн экспортының дәстүрлі бағыттары 2018 жылы да сақталып отыр: ол Орталық Азия елдері - 45%, Иран мен Ауғанстан - 29%, ҚХР - 7%, Ресей - 6% және өзге де елдер - 13%.

«Толықтай алғанда, 2018 жылдың қорытындысы бойынша астық пен ұнтақ өнімдерін тасымалдауды 6,2 млн тоннаға жеткізуді жоспарлап отырмыз. Желтоқсандағы жалпы тиеу көлемі 820 мың тонна болса, соның ішінде астық – 620 мың тонна», - дейді «ҚТЖ – Жүк тасымалы» АҚ Ақмола бөлімшесі филиалының директоры Нұрым Жаниязов.

Оның айтуынша, теміржол тасымалын тиімді ұйымдастыру мақсатында ағымдағы жылдың қарашасында «Қазақстан темір жолы» ҰК» АҚ және Ақмола, Солтүстік Қазақстан әкімдіктері арасында ынтымақтастық және өзара түсінікстік туралы келісімге қол қойылған болатын. Аталған құжатқа сәйкес ауыл шаруашылығы жүктерін теміржолмен тасымалдауды тиімді ұйымдастыруды арттыруды қамтамасыз ету бойынша бірқатар міндеттер жүзеге асырылуда.

Сонымен бірге, Вьетнам, Қытай, Түркия, Италия және өзге елдерге арналған бидай мен ұнды контейнермен тасымалдау көлемі де арта түсті. Осылайша, 11 айда және желтоқсанның 23 күнінде жол бөлімшесінде 3,5 мыңнан астам контейнер тиеліп, контейнерлік бағыттарға жөнелтілді.

«Жөнелту нүктесінен межелі орынға дейін жедел жүк жеткізуді қамтамасыз етудің жаңа қадамы тасымалдау мен вагон айналымы уақытын қысқартады. Контейнерлік пойыздарды қалыптастыру тасымалданатын жүктердің сақталуын қамтамасыз етеді және де жүру жолында пойыздардың ұзақ тұруын қысқартып, жолаушылар қозғалысы сияқты бекітілген кесте мен бағыт бойынша тасымалдауға мүмкіндік береді», - деп түсінік бере кетті Н.Жаниязов.

Жалпы көрсетілген кезеңде Ақмола облысы бойынша транзитпен 1300 контейнерлік пойыз жүріп өтсе, соның ішінде Орталық Азия-Қиыр Шығыс бағыты бойынша 321 астам пойыз, Қытай-Еуропа бағытына 866 контейнерлік пойыз жол тартқан.

2018 жылдың астығын тиеу кезеңінде вагондар айналымын жеделдету үшін Ақмола ЖТ бөлімшесінде астық және ұнтақ өнімдерін бағыттау жұмыстары жүргізілуде. Сонымен, ағымдағы жылы 260 астық бағыты құрылды және жөнелтілді. Олардың орташа бағыттық жылдамдығы 800-900 км/тәулікті құраса, бұл вагон айналымын дер кезінде қамтамасыз етуге мүмкіндік береді.

Бұдан басқа, Имамназар, Акяйла, Серхетабад және Сарахс станциялары бағытына Түркіменстаннан транзитпен халықаралық Болашақ өткізу бекеті арқылы Ауғанстан, Иран, Иракқа дәнді дақылдарды тиеудің баламалы жолы әзірленді.

Мемлекеттік аумақтық қызметтермен бірлесіп Ақмола мен Солтүстік Қазақстан облыстарында тасымалдаушыларды астық қабылдаушы кәсіпорындарға жеткізу, астық және ұңтақ өнімдерін тиеу, тасымалдау жөніндегі іс-әрекеттерді үйлестіру және қамтамасыз ету мәселелері жөніндегі штаб ұйымдастырылды.  

Толықтай алғанда, Ақмола бөлімшесі бойынша тиеуді дер кезінде ұйымдастыру арқасында жалпы вагондар айналымы қысқарды.

Дей тұрғанмен, Ұлттық тасымалдаушы барлық тасымалдау процесінің қатысушыларына әлеуметтік маңызды жүктерді дер кезінде  жөнелту мен тиімді жоспарлауды ұйымдастыру бойынша жұмыстарды күшейтуге және жалғастыру қажеттігіне назар аудартады.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: