Главная Новости "Ақылды" энергетика туралы айтқанда

"Ақылды" энергетика туралы айтқанда

"Ақылды" энергетика туралы айтқанда Фото: KEGOC

"KEGOC" АҚ халықаралық белді байқауда "Ең үздік цифрлық кеңсе" атағын жеңіп алып отыр. Ал бұған Компанияда енгізілудегі озық технологиялар себеп болуда. Жалпы еліміздің электр желілерін дамыту, энергетика жүйесінде жаңа нысандарды іске қосу, қазіргі заманғы зияткерлік жобаларды жүзеге асыру сынды мәселелер жөнінде "KEGOC" АҚ Басқарма төрағасы Бақытжан Қажиевтің "Егемен Қазақстан" газетіне сұхбатында өрбіді.  

"Бұл кездейсоқ келе салған жүлде емес. Қазіргі таңда ком­пания технологиялық қам­ту көр­сеткіштері бойынша әлем­дегі ең озық электр желілері ком­панияларының деңгейінде. Ең басты фактінің бірі – "KEGOC" компаниясының өндірістік про­цестерін цифрландыру жөнін­дегі жұмысы Президент Қасым-Жомарт Тоқаевтың сайлауалды платформасында айтылған "Заманауи, "ақылды" техно­ло­гиялар енгізу арқылы энерге­тика­лық жүйені модернизация­лау" туралы тапсырмасын жүзе­ге асы­румен тікелей байланысты", - дейді ол.

Оның айтуынша, "KEGOC" АҚ "Цифрлы Қазақ­­стан" мемлекеттік бағ­дар­ламасы аясында "Smart Grid" элементтерін бірнеше жоба арқылы енгізіп жатыр. Нәтижесінде Қазақстан Рес­пуб­ликасының электр желілері жүйесін жаңғырту міндеті орындалмақ.

Сала­да­ғы маңызды оқиғалардың бі­рі ретінде 2019 жылдың 1 қаң­­т­арынан бастап "100 нақты қадам" Ұлт жоспарын жүзеге асыру аясында жаңа электр нарығы іске қосылғаны атап өтілуде.

Компания басшысы KEGOC тұтынушылар тарапы жа­ғымды өзгерістерді, атап айт­сақ мәліметтерді өңдеу уақы­ты азайғанын, бүкіл қажетті ақ­параттарды, соның ішінде, төлем құжаттарын бір орталық­тан алу мүмкіндігі пайда болғанын сезінгенін келтіреді. Бұдан өзге, тұтынушының жеке кабинеті арқылы, яғни, энергия нарығындағы 300-ге жуық субъект келісімшарт­тар­дың жай-күйі мен статис­тика­лық ақпаратына, қаржы­лық құжаттарға қол жеткізіп, есеп­терді бақылай алмақ. 

"Осы жылдың соңына де­йін көлемдерді сәйкестендіру акті­леріне, коммерциялық есеп құ­рыл­ғыларын сәйкестендіру акті­леріне электронды цифрлы қолтаңба (ЭЦҚ) арқылы қол қою тетігін енгізуді жоспарлап отырмыз. Яғни құжаттарға қағазда қол қойып, мөр басылмайды. Бұл жұмысымызды, әсіресе арнайы филиалдардағы қызметкерлердің жұмысын әлдеқайда жеңілдетеді, сондай-ақ поштамен хат жіберуге кете­тін шығынды азайтады. Соны­мен қатар, келесі жылы электр қуаты нарығымен байланыс­ты қосымша құрамдас бөлікті ен­гізу арқылы жүйенің қызметін кеңей­ту жоспарланып отыр", - деп әңгімелейді Бақытжан Қажиев.

Толығырақ сұхбаттың өзінен оқи аласыздар.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: