АлЭС айналаға қамқорлықпен қарайды

"Біз ынтымақтастыққа ашықпыз, – дейді Басқарма төрағасының өндіріс жөніндегі орынбасары-бас инженер Ғазий Исмұхамбетов. - АлЭС адамзат үшін қолайлы қоршаған ортаны қамтамасыз етуді, ең озық қолжетімді технологияларды енгізуді қолдайды және қоршаған ортаға эмиссияны төмендетуге бағытталған қазіргі заманғы технологиялық шешімдерді пайдаланады. Компания қалдықтармен қауіпсіз жұмыс істеу жүйесін құрады және автомобиль жолдарын салу кезінде өндіріс қалдықтарын пайдалануға, жыраларды ауыл шаруашылығы айналымына қайтару үшін ландшафтық жұмыстарға жәрдем көрсетеді".

Меморандумды іске асыру кезінде жылу және электр энергиясын өндірудің оларды тұтынудан технологиялық тәуелділігінің ерекшеліктері ескерілмек. Алматы облысында қоршаған ортаның сапасын жақсарту жөніндегі кешенді жоспарды орындау бағдарламасын әзірлеу үшін жұмыс тобы құрылмақ. Жұмыс тобының іс-қимылы шеңберінде қоршаған ортаның сапасын жақсарту (атмосфералық ауа, жерасты сулары, өндіріс және тұтыну қалдықтарын орналастыру нысандарын жою, жерді қалпына келтіру, аумақты көгалдандыру) бойынша ең үздік қолжетімді технологияларды енгізуге байланысты мәселелерді шешу жөніндегі "АлЭС" АҚ ұсыныстары талқыланады.