Алматы 2-ЖЭО Айтқали Жақұтовтың есімін иеленді

Айтқали Жақұтұлы 42 жыл ғұмырын Алматы мен жалпы Қазақстанның энергожүйесін құруға арнаған. Еңбек жолын Алматы 1-ЖЭО-нда турбиналық цех шебері болып бастаған ол Алматы жылу желілері кәсіпорнының өндірістік техникалық бөлімін ұзақ жылдар басқарған. 1974 жылы Айтқали Жақұтұлы Қазақ ССР Энергетика және электрификация министрлігінің коллегия мүшесі болып бекітілді. Ал 1982 жылы ол СССР электр станциялары мен желілерін пайдалану жөніндегі мемлекеттік инспекцияның Қазақстан аумақтық органының жетекшісі болып тағайындалды.

1990 жылы Айтқали Жақұтұлына «Қазақ ССР өнерәксібінің еңбек сіңірген қызметкері» құрмет атағы берілген.

Құрметті энергетиктің есімі ұмытылмай, ұрпақ санасында жаңғыруы үшін «Алматы Электр Станциялары» АҚ оның есімін Алматы 2-ЖЭО-на беру бастамасын көтерген болатын. Бұл ұсыныс «Самұрық-Энерго» АҚ басшылығы тарапынан қолдау тауып, мақұлданды.