Главная Новости Ана тәрбиесі мен жүрек қалауы үндескенде

Ана тәрбиесі мен жүрек қалауы үндескенде

Ана тәрбиесі мен жүрек қалауы үндескенде

Корпоративтік бизнес дивизионының бюджеттік ұйымдарға сатылымдар департаментінің бас бизнес-аналитигі Әдия Әлімбаева «Қазақтелекомдағы» еңбек жолын 2000 жылы Қарағанды ӨТД Сатылымдар цехында байланыс операторы лауазымынан бастаған. Ол мамандық таңдарда кім болғысы келетінін жақсы түсінді. Әдияның анасы Рыскүл Байкенқызы да байланыс саласына 40 жылдан астам еңбек сіңірді, сондықтан қызы да шешесінің жолын қуды.

«Еңбек әулеті жеңіл жол, ата-анаңның ізін қусаң оңай болады, олар үнемі жол-жорық көрсетіп отырады дейтіндер бар. Бұл шындықтың тек бір жағы, екінші жағынан оның жауапкершілігі ауыр. Өйткені сен ата-анаңның жүзін жерге қаратпауың керек. Кезінде квазимемлекеттік секторға жұмысқа баруға көндіргені үшін анама ризамын. 21 жылдан бері «телекомшылардың» қатарындамын», – дейді Әдия Әлімбаева.

Кейіпкеріміз қызметтің барлық бағытында белсенді болуға үлгереді. Ол бүгінде кәсіби өсудің барлық кезеңінен өткен жоғары білікті маман.

«Жетістіктер туралы айтқанда, мен үшін ең маңыздысы КСЦ бастығы лауазымындағы көрсеткіштерім болды. Біз Республикада алғаш болып SIP-телефония қызметтерін саттық. Кейіннен «Учаскелік полицейлерге арналған универсал нөмір» қызметін енгіздім. Алдымен ҚР ІІМ нормативтік құжаттарына атсалысып, сол жұмыстың нәтижесіне орай, «2018 жылдың Үздік қызметкері» атандым», – дейді кейіпкеріміз.

2019 жылы Әдияға саланың басты марапаты – «Үздік байланысшы» атағы берілді, ал Қоғамды дамытуға қосқан үлесі үшін «Ерең еңбегі үшін» мемлекеттік медалімен марапатталды.

2020 жылы «CREDO: табыс мәдениетіне апарар жол» жобасы аясында Әдия өңірлердегі B2G қызметкерлерінің сатылымдарды сүйемелдеу процестерін орындауына арналған «Ақылды бағдаршам» жобасын іске асырды.

Отбасында сүйікті жар, төрт баланың анасы Әдия әлеуметтік өмірде де белсенді. Қоғамдық қызметке қашанда атсалысады, сондықтан «Нұр Отан» партиясының мүшесі ретінде облыстық мәслихаттың депутаты болып сайланған. Әдия қыздарымның бірі телекоммуникация саласын таңдап, еңбек әулетін жалғастырса екен деп армандайды.

«Жұмыс істеп адреналин аламын, әсіресе еңбегімнің нәтижесін көргенде ерекше рақаттанамын. Егер адам шындап қаласа, табанды еңбек етсе, діттеген мақсатына жетеді деп ойлаймын», – дейді Әдия Әлімбаева.

Выпуски SK NEWS

Смотрите также

Видео Все видео
Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: