Главная Новости Арзан ұшақ алғашқы рейсін орындады
Маңызды01 мамыр 16:05 1119

Арзан ұшақ алғашқы рейсін орындады

Арзан ұшақ алғашқы рейсін орындады

Бүгін, Қазақстан халқы бірлігі күні, FlyArystan лоукостері Алматыдан Нұр-Сұлтан қаласына алғашқы сапарын орындады. Осылайша "Самұрық-Қазына" ҰӘҚ" АҚ Басқарма төрағасы Ахметжан Есімов пен "Эйр Астана" әуе компаниясының президенті Питер Фостер бірінші бюджеттік авиакомпанияны іске қосты деп хабарлайды Қордың баспасөз қызметі.

Ахметжан Есімов жаңа авиатасымалдаушының жұмысын жоғары бағалап, оның Қазақстандағы авиациялық саласындағы маңыздылығын атап өтті.

"Авиатасымал нарығында жаңа ойыншының пайда болуы жолаушыларға қызмет көрсету сапасын жақсартуға мүмкіндік береді. Бұл лоукостерді құру туралы бастаманы Елбасының өзі қолдады. FlyArystan қызметтері мен бағалары көп адамдар үшін әуе тасымалы қызметтерінің қолжетімділігіне және өңірлер арасындағы қатынастың қолайлығын арттыруға бағытталған. Алғашқы билеттердің сатылымы жұршылық арасында өте үлкен қызығушылық танытты. Жұмысты осы қалыпта жалғастыру керек.Жағрапиялық тұрғыда және ұшу қарқынының кеңеюі өңірлердің әлеуметтік дамуына оң әсерін тигізеді",- деп атап өтті ол.

Питер Фостер болса, енді қазақстандықтар лоукостердің көмегімен жиі және арзан бағаға саяхаттай алатынын келтірді.

"Қазақстанның ішкі бағыттарымен қатар, біз халықаралық бағыттарда да жолаушылар тасымалының айтарлықтай өсуін күтіп отырмыз. Өйткені, уақыт өте келе, басқа елдерге де ұшуды жоспарлап отырмыз. Оған дейін біз бүкіл Қазақстан бойынша қолжетімді рейстерді ұсынуға дайынбыз және FlyArystan аймақтық экономиканың дамуына елеулі үлес қосатынына сенеміз",- деді Фостер мырза.

Атап өткен жөн, 2019 жылдың 29 наурызынан бастап "FlyArystan" компаниясы Алматы-Тараз-Алматы және Алматы-Орал-Алматы бағыттары бойынша билет сатуды бастады. Содан кейін, оңтүстік астанадан Нұр-Сұлтан мен Қарағандыға, одан кейін Алматыдан Павлодарға және Шымкентке ұшатын рейстердің ашылуы туралы жариялады. Бірінші қазақстандық лоукостердің рейстеріне билеттерді flyarystan.com сайтынан таба аласыз.

Лоукостердің құрылатыны жайлы "Эйр Астана" компаниясы 2018 жылдың 7 қарашасында мәлімдеді. FlyArystan жолаушылар аясын кеңейту арқылы тасымал көрігін қыздыруды жоспарлап отыр.

Айта кетейік, Елбасы Нұрсұлтан Назарбаев тұрғындарға әуе тасымалы қызметтерінің қолжетімділігін арттырудың маңыздылығын атап өтті және "Эйр Астана" әуе компаниясы базасында бюджеттік әуе компаниясын құруды тапсырды.

Выпуски SK NEWS

Смотрите также

Видео Все видео
Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: