Atom IQ — мүмкіндіктер аумағы

Бағдарлама оқу пәндері мен түрлі белсенділіктерден бөлек, танымал спикерлермен кездесулер арқылы да ерекше мазмұнға толы болды. Балалар уран өндіру технологиясымен және компанияның жаһандық уран нарығындағы маңызды орны туралы жан-жақты мәлімет алды. Корпоративтік психологтар көшбасшылыққа арналған арнайы тренинг өткізіп, қатысушылардың ішкі мүмкіндіктерін ашуға, командада үйлесімді жұмыс жасауға және өз күшіне сенімділік қалыптастыруға жол көрсетті.

Бағдарламада Matkombat математикалық олимпиадасы мен IQ Games интеллектуалдық ойыны ерекше орын алды.

Business City іскерлік ойыны аясында балалар жобалық менеджмент негіздерін, маркетинг, қаржылық сауаттылық және коммуникация дағдыларын үйренді.

Ашық аспан астындағы Acoustic Night кезінде балалар көпшілік алдында сөйлеу өнерін меңгерді.

Бағдарлама өткен IQanat мектебінің мұғалімдері Қазақстан және әлем университеттері, қабылдау талаптары мен мүмкін болатын мансаптық бағыттар туралы айтып берді.

Кейбір қатысушылар үшін бұл Бурабайға алғашқы сапар болып, олар табиғатқа ғана емес, Atom IQ жобасының шабыт сыйлайтын атмосферасына да тәнті болды.

Atom IQ — жаңа ойлаудың, көкжиектерді кеңейтудің және өз күшіне деген сенімді қалыптастырудың бастапқы алаңы.