Атырауда бірнеше вокзалға күрделі жөндеу жасалады

Жалпы, бөлімше қарамағында 16 теміржол вокзалы мен 37 жолаушылар платформасы бар. Олардың бәрі билет кассаларымен және басқа да міндетті қызмет көрсету түрлерімен қамтамасыз етілген. Солардың ішінде тозығы жеткен Құлсары және Мақат вокзалдарына күрделі жөндеу жүргізу жоспарланып, бүгінде жобалық-сметалық құжаттамасы жасақталуда. Бұл жөнінде Атырау магистральдық желі бөлімшесі, вокзал шаруашылығы бөлімінің бастығы Айбек Қуанышев мәлім етті.  

Ал биылғы жылға бөлімше бойынша «Теміржолсу-Ақтөбе» ЖШС-мен арадағы шартқа сәйкес 262 786 мың теңгеге бірқатар нысандарға ағымдағы жөндеу жүргізіліп жатыр. Атап айтқанда ПЧ-9 Атырау, табельдік ст. Аққыстау, Атырау ст. жылыну будкасы, ЭЧ-4: Опорный, Ескене, Сағыз аудандық тораптары, т.б. Бүгінгі күнге 12 нысанның жөндеу жұмысы толық аяқталған, қалғандарын жыл аяғына дейін бітіру көзделіп отыр. Сондай-ақ бөлімше бойынша 135 нысанға өз күштерімен жөндеу жасалған. Қазіргі уақытта барлық нысандарда жөндеу жұмысы аяқталып, вокзалдар мен басқа да нысандарға жылу уақытылы берілген.  

Қосұйым Мұқашев

Дереккөз: "Қазақстан теміржолшысы"