Главная Новости Атырауда мұнай-химия кешені 6 түрлі өнім шығарады
Компания тынысы15 қазан 2020, 09:53 186

Атырауда мұнай-химия кешені 6 түрлі өнім шығарады

Атырауда мұнай-химия кешені 6 түрлі өнім шығарады Сурет: depositphotos.com

Біріктрілген газ-химиялық кешен 2021 жылы іске қосылғаннан кейін пленка, талшық, фибра және басқа да полипропилен өнімдерін шығарады деп жоспарланып отыр, деп хабарлайды SKnews.kz «Kazakhstan Petrochemical Industries Inc.» ЖШС технология жөніндегі басқарушы директоры Болат Әбдуәлиевке сілтеме жасап.

Кешеннің жобалық қуаты – жылына 500 мың тонна өнім. Атап айтқанда, буып-түю материалдарын, үй тұрмысындағы тауарлар, талшық, жіп, медициналық бұйым, құбыр, жиһаз және т.б. өндірісінде қажет болатын полипропиленнің ондаған түрлі маркасы шығарылатын болады.

«Мысалы, гомополимерден автомобильдерге арналған құралдарды, соның ішінде орындық бөлшектерін, жабдық панельдерін, ауа сүзгіштерінің корпустарын, жанармай жүйесінің элементтерін және басқа да көптеген заттарды жасауға болады», – дейді Болат Әбдуәлиев.

Бүгінде кешен жобасы 77%-ға орындалды. Жобалау жұмысы аяқталды, жабдықты дайындау және жеткізу 70%-ды құрады, ал құрылыс-монтаждау жұмыстары 46%-ға орындалды.

Онлайн-конференция барысында Қазақстанның мұнай өңдеу зауыттарында қолданылатын цифрлық технологиялар жөнінде де сөз қозғалды. Айталық, Атырау мұнай өңдеу зауытында Spiral сызықтық бағдарламалау және мамандандырылған бағдарламалық қамту жүйесін енгізу кезінде операциялық шығындар 530 млн теңгеге үнемделді. Бұл жөнінде «ҚазМұнайГаз» ҰК АҚ Мұнай өңдеу және мұнай химиясы департаментінің жоспарлау және автоматтандыру басқармасының бастығы Мәриям Игисенова мәлімдеді. Ал, Павлодар мұнай-химия зауытында жоспарлау процесінің трансформациясы есебінен үнемдеу мөлшері 270 млн теңгені құрады. Бұдан басқа өңдеу тереңдегі ұлғайып, шығын қысқартылды.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: