19 сәуір 2023, 14:40 1003

Автокран машинисі – абыройлы қызмет иесі

Қаражанбас – өмірін өндіріспен өрнектеген майталман мамандар ұстаханасы. Мұнда қара алтын игеру жолындағы еңбек адамдары компания ел ырысын еселеуге өлшеусіз үлес қосып келеді. Солардың бірі – технологиялық көлік департаментінің (ТКД) 7-дәрежелі машинисі Мұса Бутуев.

Ол 15 жылдан астам уақыттан бері автокранның «құлағында ойнайды». Кен орны объектілеріндегі әртүрлі ауыр жүктерді көтеру және тиеу жұмыстары Мұса үшін әсте қиын емес. Асқан жауапкершілік пен кәсібилікті талап ететін қызмет оның өмір салтына айналған.

«Қаражанбас кен орны мұнай саласындағы кез келген жұмысшы үшін үлкен мектеп. Білмегеніңді үйреніп, білгеніңді шыңдау арқылы өз ісіңнің шеберіне айналасың. Біз өзімізге жүктелгенін жауапкершілікті сезіне отырып, қызметімізді адал әрі кәсіби атқаруға бар күш-жігерімізді саламыз», - деді Мұса Бутуев.

Еңбегімен елге сыйлы азамат ұжымдастарынан көрген-білгенін, көкейге түйгенін аямайды. Ол өзінен кейінгі толқынға автокранмен жұмыс істеудің қыр-сырын үнемі үйретіп, кәделі кеңестерін айтып отырады. ТКД №1 гараж ұжымы сала ардагерін құрметті демалысқа шығарып салып, сәт сапар тіледі.

Еще больше новостей на нашем telegram-канале , подписывайся и будь в курсе!

К списку статей Следующая статья