Бағдарламашы Алмас: «Телекоммуникацияны дамытатын жоба әзірлеу – арманым»

Дегенмен Алмас та бұл лауазымға қажырлы еңбек пен талаптың арқасында жеткен болатын. 2009 жылы Қызылорда гуманитарлық университетін бағдарламашы мамандығымен бітірген соң, ол алғаш «Қазақтелекомға» жұмысқа орналасты.

«Мен жас кезден жаңа технологиялар, ақпараттық жүйелерді ұнатамын. Сондықтан бағдарламашы мамандығын таңдадым. «Қазақтелекомға» жұмысқа тұрғанда қызмет туралы басқаша ойлағаным рас. Кеңседе компьютердің алдында отырамын десем, үйлердің төбесіне, бағаналарға шығып, телефон желісін тартуға, байланысты өлшеуге және өзге де жұмыстарды атқаруға тура келді. Бірақ, соның арқасында көп нәрсені үйрендім», – дейді Алмас Райымбеков.

Еңбек жолы монтер қызметінен басталса, кейін электромеханик, инженер, жетекші инженер болды. Міне, бүгінде телекоммуникация желілерін дамыту учаскесін басқарып отыр. Алмастың қоластында 11 қызметкер жұмыс істейді, барлығы да басшысын сыйлайды, үнемі оған құлақ асады. Оның командасы жеке кәсіпорындар мен мемлекеттік мекемелерге интернет, телефон, ТВ орнатумен айналысады.

Алмастың арманы – компанияның игілігіне және жалпы телекоммуникациялар саласын дамытуға арналған жаңа жоба немесе технология әзірлеу. Ал «Қазақтелеком» компаниясы болса, қызметкерлерінің мұндай бастамаларына қашанда қолдау көрсетіп, іске асыруға көмектеседі.

Алмас қызметте үлгілі басшы болса, үйде қамқор әке әрі озат спортшы. Балаларының да әке жолын қуып, байланысшы мамандығын таңдауын қалайды.