16 маусым 2021, 17:03 1515

Биыл жазда Алакөлге 10 пойыз қатынайды

Бұл туралы «Қазақстан Темір Жолы» ҰК» АҚ 2021 жылдың жазғы кезеңінде жолаушылар тасымалын қамтамасыз ету мәселелері бойынша өткізген жиын барысында белгілі болды.

Жиында жазғы жолаушылар тасымалына дайындық, электронды билеттерді сату жүйесінің ерекшеліктері, атап айтқанда, Алакөл курорттық аймағы бағытындағы билеттерді сату жағдайы және басқа да өзекті мәселелер талқыланды.

Бүгінде Алакөл курорттық аймағы бағытындағы билеттерге деген жоғары сұранысты қанағаттандыру үшін тіркеме вагондардың саны арттырылған, сондай-ақ Нұр-Сұлтан және Алматы қалаларынан қосымша пойыздар іске қосылған.

Биыл Алакөлге барлығы 10 пойыз қатынайды (7 – «Жолаушылар тасымалы» АҚ, 3 – жеке тасымалдаушылар).

«Өткен жылмен салыстырғанда Алакөл бағытына ұсынылып отырған орындар саны 90%-ға ұлғайды», – деді «ҚТЖ» ҰК» АҚ Басқарма төрағасының бірінші орынбасарының міндетін атқарушы Қанат Әлмағамбетов.

Еще больше новостей на нашем telegram-канале , подписывайся и будь в курсе!

К списку статей Следующая статья