«Біз – романтикпіз». Геолог Татьяна өз мамандығы туралы

«Біз, геологтар – романтик халықпыз, менің жарты өмірім шу мен шаңға толы қалада емес, әлі түрен салынбаған табиғат аясында өтті. Далалық жағдайда жұмыс жасау физикалық тұрғыда да, интеллектуалдық тұрғыда да ауыр болғанымен, оның бәрін табиғаттың сұлулығы ұмыттырып жібереді. Геологтар – ерекше жандар, біз геологиялық балғамен жұмыс істей жүріп, ғылым мен бағдарламалаудың ең соңғы жетістіктерін қолдана отырып, заманауи тау-геологиялық бағдарлама көмегімен геологиялық модельдер әзірлеп, қорларды есептейміз», – дейді «Алайғыр» БК» ЖШС инженер-геологы Татьяна Швецова.

Әлем жылдам өзгеруде, онымен бірге жедел жетіліп отыру геологтар үшін де заман талабы. Кеше ғана сызбаларды бояу мен қауырсын, сызғыш арқылы жасап, геологиялық карталарды акварель бояуымен әдемілеп, ал есептеулерді қарапайым калькулятормен жүргізген олардың бүгінде кен орнының үш өлшемді моделін жасап, қор көлемін тау-кен және геология саласындағы үздік бағдарламалардың бірі – «DATAMINE» көмегімен есептейді. Бұл кен орнын игеру мен пайдаланудың барлық кезеңінде геологиялық жұмыстар жүргізудің жылдамдығы мен сапасын арттыруа мүмкіндік береді.

«Мен Алайғырда «Цифрлы кен орнын» құруды ұсынамын. Яғни, цифрлы технологияларды енгізудің сәтті және сәтсіз тәжірибелеріне талдау жасай отыра, нақты біздің кен орнының ерекше жағдайларын есепке ала отырып, ең тиімді нұсқасын әзірлеу қажет деп есептеймін», – дейді Татьяна Швецова.